திருப்புகழ் # 1285 - Thiruppugazh song - கொடிய மதவேள் - பொதுப்பாடல்கள்

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian

1285 பொதுப்பாடல்கள் திருப்புகழ் ( குருஜி இராகவன் # 360 - வாரியார் # 1086 )
கொடிய மதவேள்
முன் திருப்புகழ் அடுத்த திருப்புகழ்

தனதனன தானத் ...... தனதான

கொடியமத வேள்கைக் ...... கணையாலே
குரைகணெடு நீலக் ...... கடலாலே
நெடியபுகழ் சோலைக் ...... குயிலாலே
நிலைமைகெடு மானைத் ...... தழுவாயே
கடியரவு பூணர்க் ...... கினியோனே
கலைகள்தெரி மாமெய்ப் ...... புலவோனே
அடியவர்கள் நேசத் ...... துறைவேலா
அறுமுகவி நோதப் ...... பெருமாளே.

Easy Version:
கொடியமத வேள்கைக் கணையாலே
குரைகண் நெடு நீலக் கடலாலே
நெடியபுகழ் சோலைக் குயிலாலே
நிலைமைகெடு மானைத் தழுவாயே
கடியரவு பூணர்க்கு இனியோனே
கலைகள்தெரி மாமெய்ப் புலவோனே
அடியவர்கள் நேசத்து உறைவேலா
அறுமுக விநோதப் பெருமாளே.

Add (additional) Audio/Video Link

கொடியமத வேள்கைக் கணையாலே ... கொடுமை செய்யும்
மன்மதனுடைய கரத்திலிருந்து விடும் மலர் அம்புகளாலே,
குரைகண் நெடு நீலக் கடலாலே ... அலை ஓசை மிகுந்து
ஆரவாரிக்கும் பெரிய நீலக் கடலினாலே,
நெடியபுகழ் சோலைக் குயிலாலே ... நீண்டுயர்ந்த சோலையில்
பாடிப் புகழ் பெற்ற குயிலினாலே,
நிலைமைகெடு மானைத் தழுவாயே ... (உன்னைப் பிரிந்து)
தன்னிலைமை கெட்டு நிலைகுலையும் மானொத்த
இப்பெண்ணைத் தழுவமாட்டாயா?
கடியரவு பூணர்க்கு இனியோனே ... கடிக்கும் பாம்பை
ஆபரணமாகப் பூண்ட சிவனாருக்கு இனியவனே,
கலைகள்தெரி மாமெய்ப் புலவோனே ... ஆய கலைகள்
அனைத்தையும் தெரிந்த உண்மை வித்தகனே,
அடியவர்கள் நேசத்து உறைவேலா ... உன் அடியார்களின்
பக்தியில் வாழ்கின்ற வேலனே,
அறுமுக விநோதப் பெருமாளே. ... ஆறுமுகனே,
திருவிளையாடல்கள் பல புரிந்த பெருமாளே.

Songs from this thalam பொதுப்பாடல்கள்

This page was last modified on Thu, 09 May 2024 01:33:06 -0400

1
	send corrections and suggestions to admin-at-sivaya.org thiruppugazh song

கொடிய மதவேள்

thiruppugazh song